Mendekotasuna duten 10 pertsonatik ia 9k zerbitzu eta/edo prestazioren bat jasotzen dute

2019. urtearen amaieran, 12.048 pertsonak dute aitortutako mendekotasun-graduren bat Araban; horietatik, %89,6k prestazioren bat jasotzen dute, eta, guztira, 13.489 prestazio daude indarrean -hau da, 1,25 prestazio mendeko pertsona bakoitzeko-. Prestazio horien erdia baino gehiago arreta-zerbitzuei dagozkie. Batez ere, adinekoak artatzeko baliabideek (%34,3) eta telelaguntza zerbitzuak (%33,3) ematen dute arreta hori.

COVID-19aren eragina Arabako hilkortasunean

2020ko urtarriletik irailera bitartean, 2.466 pertsona hil dira Araban -Eustaten behin-behineko datuen arabera-, aurreko urteko epe berean baino %22 gehiago. Martxoan eta apirilean izan da gorakadarik handiena, pandemiaren hasierarekin batera. Kausak aztertzean, datu horiek adierazten dute bost heriotzatik batek COVID-19rekin duela lotura (berretsia edo probablea).

Pobrezia-arriskuak gora egin du Araban

2018an Arabako biztanleriaren %16,7a pobrezia-arriskuan dago, 2008an baina ia ehuneko bi puntu gehiago. Bereziki nabarmentzekoa da egoera horretan dauden etxebizitzetan bizi diren 16 urtetik beherako pertsonen artean izandako gorakada, hauen arrisku-maila %18,9tik %28,4ra igaro baita aldi horretan. Aitzitik, arrisku hori nabarmen murriztu da 65 urte eta gehiagoko pertsonen artean, PGEIren azken datuen arabera, adineko biztanleriaren %12ari eragiten baitio.

Ordaindu gabeko etxeko lanetan genero-arrakala mantentzen da

Eustaten Denbora aurrekontuen inkestaren azken emaitzek agerian uzten dute emakumeek gizonek baino ordubete eta 12 minutu gehiago ematen dituztela etxeko lanak egiten, hala nola janaria prestatzen, erosketak egiten edo etxea mantentzeko jarduerak egiten. Zaintza-lanei dagokienez, aldea txikiagoa da etxeko beste pertsona helduen zaintzan (29 minutu) baita ardurapeko haurrenean ere (12 minutu).